Ajaccio : focus sur le futur collège du Stilettu
(A redazzioni d'Alta Frequenza) - Vicinu à u Palatinu è à l'uspidali novu d'Aiacciu, in un quartieru chì ùn pianta di crescia, hè in traccia di spuntà à pocu à pocu un stabilimentu sculari novu. Ssu culleghju novu vinarà in cumpensazioni di a sarratura di quillu di i Paduli, chì ricevi l'elevi di i scoli San Ghjuvanni, di i Canni, di i Salini è d'Alata. Currispondi à un effettivu di 420 elevi, ma u culleghju novu farà cullà l'accolta à 800, pà priveda a cullata in putenza di l'effettivi in ssu settori. Una cucina cintrali pruduciarà guasgi 1800 ripasti à ghjornu pà i stabilimenti di u Stilettu, Baleone è Purtichju. A Cullittività tarrituriali di Corsica, maestra d'opara, hà da didicà 30 millioni d'auri à ssu stabilimentu.
Steti à senta à Josepha Giacometti, cunsighjera esecutiva in carica di ssu cartulari.
