Ajaccio: fin des travaux de la Place Miot
(A redazzioni d'Alta Frequenza) - I travaghji pà rinfurzà a diga di prutezzioni è di modu più ghjinirali di rinnovu di a Piazza Miot sò stati compii arimani. Dopu à i disguasti gravi di u 2008 è di u 2010, a piazza è i ghjochi pà i zitelli chì erani stallati in issi lochi erani stati distrutti di modu sanu, travaghji di prutezzioni erani più cà nicissarii. Di pettu à timpesti chì accadarani di più in più à l'avvena, par via di u riscaldamentu di u clima, una tennulugia nova hè stata aduttata pà fà chì issi disguasti ùn sighini più rinnuvati. Ci voli à pricisà dinò chì issi travaghji custarani quantunqua un millioni è trè centu mila auri, finanziatu à 65 % da l'Auropa, à 15 % da a CTC è a cità d'Aiacciu arricarà i 20 % chì fermani. A piazza essendu resa à l'aiaccini è soprattuttu à i centinai di zitelli chì ci ghjunghjini ogni ghjornu hè dunqua cù una suddisfazioni maiò chì Simon Renucci hà prisintatu a fin di 'ssi travaghji.
Écoutons-le.
Sur le même sujet
