Ajaccio : communauté éducative rassemblée après l'agression d'une enseignante au collège Fesch
(A redazzioni d'Alta Frequenza) - À pocu pressu 250 parsoni si sò aduniti ssu luni dopu meziornu davanti u culleghju Fesch in Aiacciu, dopu à l'agressioni vennari scorsu di un'insignanti da un zitellu di 13 anni scularizatu in ssu stabilimentu. Un'adunita spuntanea, cù prufissori è elevi di sfarenti culleghji è licei di a Cità imperiali. Sò partuti dopu versu u retturatu. Una dilegazioni d'insignanti hè stata ricivuta d'altrondi da u rettori d'accademia, Michel Barat. Hà prumissu a missa in opara di mezi in più, cù l'impiegu par asempiu di surviglianti. A cellula psicologica missa in ballu in u culleghju Fesch dipoi ssu luni da mani a firmarà tutta a sittimana, mentri chì i corsi ripighjarani di una manera nurmali ssu marti dopu meziornu in ssu stabilimentu.
Steti à senta à Michel Beretti, prufissori di tennulugia in u culleghju Fesch d'Aiacciu.
