Ajaccio : baignade interdite plage Saint-François
(A redazzioni d'Alta Frequenza) - Dopu à prilevamenti rializati inde l'acqua, a Cità d'Aiacciu faci sapè in un cumunicatu chì una pulluzioni batteriulogica di l'acqua hè stata custatata nant'à a piaghja di San Francè. Dunqua, un arrestu municipali hè statu presu pà pruibiscia tutti l'attività di bagnu è di pesca. L'interdizzioni cuncerna u bagnu è l'attività in mari praticati da a sponda cù arnesi di piaghja è arnesi micca matriculati. Si faci in a banda di i 300 metri à partasi di a limita di l'acqua. Prilevamenti novi sarani fatti da quì à pocu è i risultati di ss'analisi novi ditarmitarani u mantenimentu di l'arrestu o a so suspensioni è dunqua l'apartura torna di a zona à u publicu.
Sur le même sujet
