Aiutu Paisanu réclame justice pour Jean-Claude Benedetti
Ghjovi, Aiutu Paisanu hà fattu una cunfarenza in sustegnu à Jean-Claude Benedetti, in prisenza di a so famidda è di riprisintanti di tutti i muvimenta naziunalisti.
L’ottu di marzu di u 2022, mentri una manifistazioni dopu à l’assassiniu d’Yvan Colonna, Jean-Claude Benedetti, chì t’avia tandu sedici anni, hè statu toccu cù forza in capu da una badda di LBD, po’ strascinatu, in sangu, com’è un truffeu, da a piazza llu Diamanti à a prifittura d’Aiacciu, dici Aiutu Paisanu.
U tiru hà fertu è ruttu a chjeccula, è hà fattu un ematoma cerebrali. Par quissa, ci hè vulsutu à purtà lu in urgenza sanitaria in Marseglia. U pulizzieri rispunsevuli d’iss’aggrissioni hà ricunnisciutu u fattu davanti à l’IGPN, è via un prucessu virbali l’ottu di marzu di u 2022. Ad oghji, ùn hè ancu statu intesu, è mancu missu in asaminu da u ghjudici di struzzioni, dici in seguitu Aiutu Paisanu.
« Iss’attesa ùn si pò accittà », hà dittu Saveriu Felli, l’avucatu di Jean-Claude Benedetti, chì dumanda ghjustizia.
Steti lu à senta.
Sur le même sujet
