Air Corsica a accueilli son nouvel avion, l'Airbus A320 Neo
Si hè calatu marcuri, à nantu à l’aeruportu di Bastia, u primu di i dui Airbus A320 Neò cumandati da Air Corsica.
T’hà par nomu « I sanguinari », è sarà suvitatu da quì à pocu da u sicondu, chjamatu « Capicorsu ». Hè u primu d’iss’avviò novi à essa missu in sirviziu in una cumpagnia francesa. Iss’Airbus di nova generazioni portani 186 passaghjera, vali à dì ch’iddi t’ani dui rangati di più chè l’anziani. Ma hè supr’à tuttu à liveddu eculogicu ch’iddi porghjini una bedda nuvità, cù dui miliona di carburanti in menu cunsumati à l’annu, ma dinò una bedda calata di u rimori.
Hè un invistimentu maiori pà a cumpagnia : ùn si sà di quant’iddi sò i tratti d’issa lucazioni, chì hà da durà dodici anni, ma si cunnosci quantunca u prezzu d’un avviò com’è quissu, chì tocca i sissanta miliona di dollari.
Stemu à senta à Marie-Hélène Casanova-Servas, a prisidenti llu cunsigliu di surviglianza di Air Corsica.
