Hè statu fattu un filmu curtu chjamatu « Aiò zitelli »
Photo : Jean-Marie Antonini (C4 Prod)
(A ridazzioni d'Alta Frequenza) - Dopu à i figuretti, u filmu. Calchì ghjorni fà, in Corsica è in francia, hè statu fattu un filmu curtu chjamatu « Aiò zitelli ».
A dici u titulu, issu filmu di vinti minuti parla di a vita lli corsi mentri à guerra llu 14. Più pricisamenti, ci faci veda a sorti di Joseph Gabrielli, di Petraserena, fucilatu pà fà l’asempiu.
Issu prughjettu nasci da una cullaburazioni trà Frédéric Bertocchini, l’autori di figuretti, è Jean-Marie Antonini, rialisatori è pruduttori.
Sò i dui ad avè scrittu u filmu, ch’hè statu tandu rializatu da Jean-Marie Antonini è pruduttu da C4Prod, cù u sustegnu lla Cullittività di Corsica.
Ben’intesa, sò parichji l’attori isulani in stu filmu, com’è Antò Mela o Jean-Philippe Ricci, chì d’altrondi ci ni parla.
