Aides publiques : l'Europe déboute la SNCM
(A redazzioni d'Alta Frequenza) - A Corti aurupea di ghjustizia cunfirmeghja oghji (ghjovi) l'annulazioni parziali di a dicisioni cù chì a Cumissioni hà validatu i sfarenti misuri presi da a Francia à prò di a SNCM. Ind'u so resu contu di dicisioni, a corti ramenta chì "Corsica Ferries France SAS, cuncurrenti principali di a SNCM, hà intruduttu un ricorsu ind'u Tribunali pà pudè uttena l'annulazioni di a dicisioni di a Cumissioni". Cù un arrestu di l'11 di sittembri di u 2012, u Tribunali avia annulatu di manera parziali a dicisioni, stimendu chì a "Cumissioni avia fattu parechji errori di valutazioni à volta di pettu à ciò chì era arricatu in capitali ma dinò à u nivellu di u pianu di privatisazioni". Tandu a SNCM è a Francia dumandavani l'annulazioni di ss'arrestu quì davanti a Corti di ghjustizia. Ssu ghjovi, a Corti hà righjittatu dunqua i dumandi di a SNCM è di a Francia è cunfirmatu l'annulazioni parziali di a dicisioni di a Cumissioni. A SNCM sarà dunqua ubligata à rimbursà i famosi 220 millioni d'auri accurdati.
Sur le même sujet
