Agression de Xavier Nesa : la CGT se rassemble en soutien, le STC réplique
Ghjovi, parichji membri o simpatizanti di a CGT si sò accolti davanti à a cintrali elettrica di Lucciana, da purtà sustegnu à Xavier Nesa, u capifila di u sindicatu à liveddu di l’energia.
Sempri uspitalizatu in Bastia, u rispunsevuli sindicali, chì t’hà a spadda è u nasu tronchi, hè statu attaccatu davanti à a cintrali da un membru d’un altru sindicatu, vali à dì u STC.
Issa viulenza, successa in u mentri ch’iddi sò tesi i rilazioni trà i dui sindicata, hè cundannata cù forza da a CGT.
A pracura di Bastia hà presu in carica l’affari, è a inchiesta a faci a ciandarmaria di Borgu.
A CGT, chì dici a so cunfidenza in a ghjustizia, accerta chì u STC dici i bucii, quand’iddu pratendi chì unu di i soi hè statu attaccatu in risposta da u membru di a CGT.
Steti à senta à Michel Fazzini, à nomu di a CGT di l’energia.
U STC, par contu soiu, dici ch’iddi sò stati distribuiti stampini inghjuliosi, parvia di a discordia à nantu à a manera d’uppona si à a riforma lli ritirati, è parla ancu di viulenzi virbali.
U sindicatu hà difesu a pusizioni d’ùn bluccà u funziunamentu lla cintrali, da ùn pinalizà a pupulazioni.
Jean Brignole, u sicritariu naziunali di u STC, dici chì oramai, ùn sarani più i stessi i rilazioni cù a CGT
Steti lu à senta.
Sur le même sujet
