Agression d'Yvan Colonna en prison : nouvelles réactions politiques
À l’accolta di Bastia, erani parichji i pulitichi ghjunti in sustegnu à Yvan Colonna.
Uni pochi ani presu a parolla. Trà quissi, Jean-Félix Acquaviva, u diputatu lla siconda circuscrizzioni cismuntinca, hà vulsutu palisà un evenimentu gravissimu. Par iddu, hè ingagiata in gran’parti a rispunsabilità di u statu francesu in ciò chì hè successu. L’affari inchieta, masimu ch’iss’agrissioni veni dopu à parichji mubilisazioni pulitichi è pupulari.
Steti à senta à Jean-Félix Acquaviva.
Paul-Félix Benedetti, u prisidenti llu gruppu « Cori in Fronti » à l’assemblea corsa, dici ch’iddu si tratta chivi d’un drama annunciatu, cunsiquenza diretta lla diabulisazioni fatta da u statu francesu, è di i so custruzzioni machjavelichi.
Paul-Félix Benedetti, chì no’ stemu à senta, s’inchieta d’altrondi pà Alain Ferrandi è Pierre Alessandri.
Vannina Le Bomin, cunsigliera tarrituriali di u gruppu « Avanzemu » à l’assemblea corsa, si hè ditta cumossa monda. Hà indittatu a nicissità di sapè, prestu è bè, com’iddu hè pussutu succeda un fattu cumpagnu.
Steti la à senta.
Sur le même sujet
