Agression d'une octogénaire à Corte
(A redazioni d'Alta Frequenza) - Una donna d'ottanta anni hè stata agressata ssa dumenica in fin di ghjurnata, appena nanzi à 7 ori di sera in Corti, à l'intrata di u quartieru di E Lubiacce. Saria stata vittima d'un omu chì l'avaria arrubatu u so saccu. Minata in faccia è nant'à i mani, soffri frà altru d'una piaga impurtanti daretu u capu. Presa in carica da i soccorsi, hè stata purtata à l'uspidali di Corti. L'investigazioni sò in corsu.
Sur le même sujet
