Aggravation de la situation des ressources en eau dans l'extrême sud : renforcement des mesures de restriction
A dispunibilità di a risorza in acqua cala sempri in u Fretu è impinsirisci, dici a prifittura llu Pumonti.
In issu principiu di sittimana, u liveddu lla riimpiera di i matrali di u Spidali è di Ficari, chì contani par novi cumuni (Portivechju, Bonifaziu, Leci, Sota, Ficari, Pianottuli è Caldareddu, a Munacia d’Auddè, Zonza è San’Gavinu di Carbini) n’hè à 19 %, vali à dì da suttu bè à l’annati di siccaghjina di rifarenza, u 2003 è u 2017.
U peghju hè chì, malgradu i ristrizzioni missi in anda issa statina, u bisognu di pruduzzioni d’acqua biitoghja hè da supra bè à a media d’issi deci anni.
Senza una calata trimenda di a cunsumazioni, ci hè di chì impinsirì si bè chì l’appruvistera d’acqua biitoghja pudaria essa disturbata bè. I privisioni meteurulogichi ùn permettini di guaranzì una riimpiera di i riservi à curtu andà.
Cacciatu u pinseri di l’acqua biitoghja, s’indibuliscini ancu i capacità di difesa contru à i foca.
Di pettu à issa calata rapida di a risorza, i cumuni cuncirnati ani dicisu di rinfurzà, à parta si da oghji, i misuri di ristrizzioni di l’acqua.
Ni truvareti a lista à nantu à /www.corse-du-sud.gouv.fr/
Sur le même sujet
