Affaire Reims-Bastia : volonté d'apaisement affichée par les élus et les syndicats étudiants
(A redazzioni d'Alta Frequenza) - Dopu à l’affari Reims-SCB è l’incidenti chì sò stati inghjinnati in Bastia è in Corti, i presidenti di l’Esecutivu, di l’Assemblea di Corsica è di l’Università ani scuntratu arisera (marcuri) i raprisintanti di i sindicati studientini. Hè spuntata una vulintà cumuna d’appaciata. Dopu à trè ghjorni di blucchimi, i corsi ripighjani dunqua stamani à l’Università di Corsica è ùn ci sarà più manifistazioni in a cità paolina. Inveci, ùn si sà micca par avà s’è ssa misura cuncerna o micca dinò a manifistazioni di ssu sabbatu à 2 ori è mezu in Bastia, urganizata da u gruppu di sustenidori bastiacciu Bastia 1905.
