Affaire Maxime Beux : la LDH écrit à la Garde des Sceaux
(A redazzioni d'Alta Frequenza) - Più d'un annu dopu a so rialisazioni, a spertizia medicali nant'à Maxime Beux, sustenidori di u SC Bastia feritu gravi à un ochju in Reims u 13 di farraghju di u 2016, ùn hè ancu à dà i so cunclusioni. Un tempu troppu longu, chì hà purtatu a sizzioni corsa di a Liga di i Diritti di l'Omu à scriva à a nova ministra di a Ghjustizia, Muriel Belloubet, pà pruvà à fà avanzà i cosi. Parchì oghji, hè solu ssa spertizia chì, d'appressu à à LDH è à Maxime Beux, pudarà fà spuntà in parti a verità nant'à ciò chì ss'ultimu è a LDH qualificheghjani di viulenzi pulizzeri, postu chì l'ipotesi di u tiru di flashball hè avanzata d'una manera chjara, com'è dipoi u principiu di l'affari. Tuttu què in un cuntestu di rinnovu ghjudiziariu cù a numinazioni d'un prucuratori novu in Reims, ma dinò di rinnovu puliticu cù un presidenti novu è un guvernu novu.
Steti à senta à Maxime Beux.
Sur le même sujet
