Affaire Erignac : Roger Marion rattrapé par une histoire d’explosifs
(A redazzioni d'Alta Frequenza) - Roger Marion, l’anzianu numaru unu di l’antitarrurisimu parighjinu, hè statu missu sottu u statutu di tistimoniu assistitu pà « falsa dinuncia » dopu a scuparta di splusivi in u Duminiu di Pinia in u quadru di l’inchiesta nant’à l’assassiniu di u Prifettu Erignac. U guardianu di u duminiu avia accertatu chì i sirvizi di pulizza l’aviani ubligatu à metta ssi splusivi par incriminà frà altru i pruprietarii di u locu inghjiru à a pista ditta « agricula ». Ss’ultimi sò stati imprighjunati duranti mesi longhi è missi in asamini duranti 18 anni pà cumplicità d’assassiniu. Di ghjunghju di u 2016, a ghjustizia l’hà assolti, cù a dicisioni di sarrà u cartulari è hà cundannatu u Statu. Un libru « place Beauvau », stampatu in u 2006, amenta dinò tistimunianzi di pulizzeri chì vani in u sensu di ssa tesi.
Sur le même sujet
