Affaire du petit Kenzo : les premiers éléments de l'enquête démontrent que la vérité est tout autre selon l'ACA dans un communiqué
Pari ch’iddi cambiini i cosi, in l’affari dittu di « Kenzo ».
Ghjovi à sera, l’AC Aiacciu hà publicatu un altru cumunicatu, chì ùn hè in u filu di u primu.
« Par disgrazia, pari chì i infurmazioni cumunicati subitu dopu à i fatti ùn sichini stati chè in poca cunfurmità cù a rialità », dicini i primi filari lla cumunicazioni.
« À l’iniziu, ùn n’aviu raghjoni di dubità di i dichjarazioni di i parenti di Kenzo, chì m’era parsu impussibuli ch’iddi achini vulsutu sturmintalizà u so ziteddu malatu da fà ni un Bad Buzz » spieca Alain Orsoni, u prisidenti di l’ACA, chì cuntinuvighja dindu chì « pinsirosu di pruteghja i intaressi di a me squadra è rivultatu sinciramenti, mi socu assuciatu à i sustegni pà issa famidda, cundannendu di manera ferma i fatti com’iddi sò stati cuntati ».
« Oramai, l’elementi ughjittivi di a inchiesta, masimu l’arrighjistramentu di videosurviglianza, facini veda ch’idda hè altra a rialità è chì l’atti di i sustinidori aiaccini, ancu puri ch’iddi si poschini cundannà, sò stati à veru sprupusitati », scrivi infini u prisidenti di l’AC Aiacciu chì spieca in chjudenda chì « a so squadra si teni u drittu di fà valè i so dritti contru à i parsoni chì pudariani essa à l’urigina d’issi falsi infurmazioni, è contru à quiddi chì, cù cumpiacenza, l’ani ripresi ».
Sur le même sujet
