Affaire des drapeaux : les amicales des anciens du SCB, ACA et GFCA s'indignent dans un communiqué commun
(A redazzioni d'Alta Frequenza) - In un cumunicatu di stampa cumunu ghjuntu stamani ind'a nostra redazzioni, l'amicali di l'anziani di l'AC Aiacciu, di u GFC Aiacciu è di u SC Bastia dicini ch'elli sò stati "stumagati da a sorti riservata à a nostra bandera". "Ch'è no sighimi di u nordu di a Corsica, di u pumonti, à livanti o à punenti, ch'è no avissimi purtatu a maglietta "bianca è rossa", "rossa è turchina", "turchina è bianca" o un antru culori di i clubs di l'isula, u cori (passatu, prisenti o à vena) di i ghjucadori di parechji generazioni sarà sempri statu stampatu di a nostra bandera !! Ùn accittaremi nisun sanzioni contr'à i ghjucadori o contr'à i clubs isulani parchì u fattu dimustrà a so identità ùn pò micca essa cundannatu !! Sighimi tutti sulidari da fà chì a nostra bandera svintulessi in tutti i sports annant'à a prima marchja di u podium!", si pò leghja inde ssu cumunicatu firmatu da Toussaint Martinetti, presidenti di l'anziani di l'ACA, Jean Jules Miniconi, presidenti di l'anziani di u GFCA è Dédé Baccarelli, presidenti di l'anziani di u SCB.
Sur le même sujet
