Affaire de la banderole de Furiani : les dirigeants du SC Bastia convoqués par la commission de discipline
Affaire de la banderole de Furiani : les dirigeants du SC Bastia convoqué par la commission de discipline
(A redazzioni d'Alta Frequenza) - Seguita di l'affari di u striscionu di Furiani mustratu nanzi à u scontru trà u SC Bastia è u Parighji Saint Germain a sittimana scorsa. Adunita arisera (ghjovi), a Cumissioni di disciplina di a Liga di Ballò Prufiziunali hà dicisu di cunvucà i dirighjenti di u SC Bastia pà a so seenza di u ghjovi u 5 di farraghju "ind'u rispettu di i dispusizioni di l'arrigulamenti disciplinarii è di u Codici di u Sport impunendu 15 ghjorni d'attesa à u minimu". Ramintemi chì un striscionu annant'à chì si pudia leghja "U Qatar finanzieghja u PSG è u tarrurisimu" era stata mustrata duranti a minuta di silenziu in mimoria di i vittimi di l'attentati di Charlie Hebdo. Ssu striscionu avia inghjinnatu una collera maiò di i dirighjenti di u PSG. Malgradu tuttu, ss'ultimi avariani rinunciatu à pona una lagnanza contr'à X.
