Affaire Balotelli : un point de retrait avec sursis infligé au SC Bastia
(A redazzioni d'Alta Frequenza) - Inde l'affari di i "mughji cù un carattaru razzistu" contr'à u ghjucadori di l'OGC Nizza, Mario Balotelli, l'usu di fumigeni è l'intrusioni di sustenidori nant'à u bordu di u tarrenu duranti u scontru ghjucatu da u SC Bastia in Furiani u 20 di ghjinnaghju scorsu, a Cummissioni di disciplina di a Liga di Ballò Prufiziunali hà presu a so dicisioni. Hà dicisu di cundannà u club bastiacciu à un ritiru d'un puntu attimpatu in a classifica è di prununzià a sarratura di a Tribuna Est di u stadiu Armand Cesari pà trè partiti.
