Affaire Antoine Sollacaro : André Bacchiolelli a été remis en liberté
Hè una infurmazioni data da u « Nouvel Obs » : André Bacchiolelli hè statu rimissu in libartà da a camara di struzzioni, quindici ghjorna fà. Sinu à tandu, era in prighjoni in casa d’arrestu di u Pontet, in a Valchjusa, pà l’assassiniu di l’avucatu aiaccinu Antoine Sollacaro.
À senta ni u ghjurnali sempri, André Bacchiolelli saria statu rimissu in libartà parvia d’un tempu di ditinzioni pruvisoria cunsidaratu « non raghjunevuli ». Prisintatu in parichji volti da i inchiistadori com’è issendu di a banda ditta di u « Petit Bar », André Bacchiolelli era statu rinviatu davanti à a corti d’assisi pà l’assassiniu d’Antoine Sollacaro, successu d’uttrovi di u 2012.
Intantu ch’idda venga l’audienza à a fin’di l’invernu, André Bacchiolelli hè suttu à u cuntrollu ghjudiziariu, è l’hè difesa d’andà in Corsica.
Sur le même sujet
