Aéroport d’Ajaccio: levée du préavis de grève
(A redazzioni d'Alta Frequenza) - A minaccia di un novu cunflittu ind'i trasporti aerei in Aiacciu hè oramai scartata dipoi meziornu (marcuri). In fatti, i parsunali CGT Air France di l'aeruportu d'Aiacciu aviani postu in principiu di settimana un preavisu di greva pà issu sabbatu, dumandendu frà altru l'impiecu di parsoni in più pà essa aiutati duranti a statina. Dopu à un primu scontru cù a direzzioni luni à sera, ci n'hè statu un antru stamani, pà ghjunghja ni finalmenti à un situazioni pusitiva. Un accordu trà i dui partiti hè statu trovu, postu chì deci parsoni, frà i quali ottu nant'à i pisti, sarani impiecati pà iss'istati. U preavisu di greva hè dunqua cacciatu.
Sur le même sujet
