Aéroport d'Ajaccio : l'incertitude demeure
(Alex Bertocchini - Alta Frequenza) - Hè difficiuli di sapè ciò chì funziuneghja di modu nurmali inde l’aeruportu d’Aiacciu ; si sà chì i buli di a CCM sò trattati com’ellu si devi da i parsunali di l’escali d’Air France, ciò ch’ùn hè micca tutalmenti u casu pà i buli pà a cumpagnia naziunali. S’è novi riunioni si sò tinuti arimani, frà altru cù Simon Renucci, nulla di veramenti cuncretu ùn hè intarvinutu ind’a ghjurnata. Si sà chì u solu elementu chì pudaria dà un’idea di l’evuluzioni di u cunflittu sarà ben’intesu a riposta di a direzzioni ghjinirali in Parighji. Pà u mumentu, i parsunali sò inde l’attesa di issa risposta, è ancu puru s’è u blucchimi strettu di l’aeruportu ùn hè micca privistu, azzioni puntuali pudarani disturbà u trafficu. Torna una volta, ùn pudemi cà cunsighjà vi di telefunà à a vostra cumpagnia, nanzi à qualsiasi viaghju.
