Accident mortel de wingsuit à Piana
(A redazzioni d'Alta Frequenza) - Un legiunariu di u 2ndu REP di Calvi d'una quarantina d'anni hè statu vittima d'un accidenti murtali di wingsuit ssu marti in Piana. Un amicu, chì stava à u telefonu cun ellu da a piaghja, ùn l'hà mai vistu ghjunghja, mentri ch'ellu duvia saltà da una rocca è bulà versu 4 ori. L'alerta hè stata data versu 5 ori è mezu, mubilizendu l'elicotteru di a securità civili. Ricerchi di notti sò stati lanciati dinò, cù i succorsi di Piana frà altru è l'elicotteru di u PGHM, ma in vanu. È mentri chì un dispusitivu torna di più impurtanti duvia essa missu in ballu ssu marcuri in principiu di matinata cù omi di u SIS 2A è gendarmi, l'omu hè statu ritrovu mortu par disgrazia in u settori di u Capu d'Ortu. L'accidenti saria accudutu par via di un errori tennicu o d'un prublema liatu à l'aerulugia.
Sur le même sujet
