Accident mortel de la route en Haute-Corse
(A redazzioni d'Alta Frequenza) - Un omu nant'à una motò hè mortu in Corsica Suprana oghji (dumenica) in fin di matinata, vicinu à u paesi di Venacu. I causi ùn sò ancu cunnisciuti, i gendarmi sò in traccia di sapè ni di più. A motò di a vittima hè surtita da a strada, pà compia a so corsa più inghjò. Quandi elli sò ghjunti sopralocu, i succorsu pudiani cà custatà a morti di iss'omu, chì duvia fà parti di un gruppu di turisti chì visitavani l'isula cù i so motò.
