Le Direct

Accident lors d'un écobuage : deux personnes blessées

(A redazzioni d'Alta Frequenza) - Un accidenti gravi hè accadutu in principiu di dopu meziornu (sabbatu) in Corsica Suttana. Mentri ch'ellu facia una dibbiera di modu privatu, nant'à un tarrenu parsunali di a cumuna di Piana, un spinghjifocu hè statu feritu da un viulenti ritornu di fiamma. Pari chì, sicondu à i primi elementi racolti, chì u suldatu di u focu sia statu vittima di a splusioni di un aerosol, o di un ughjettu da infiammaà si chì era nant'à u situ. Era accumpagnatu di una parsona vicina. Sò stati feriti tramindui di modu gravi. Sò riisciuti malgrdu tuttu à andà fin'è u centru di succorsu di Piana da chera un aiutu. Sò stati traspurtati dopu via l'elicotteru di a securità civili, nant'à l'uspidali d'Aiacciu. U prunosticu vitali ùn hè micca ingaghjatu, ancu di grazia. Un'inchiesta hè stata aparta da determinà i causi esatti di a splusioni. I sminadori sò oramai sopralocu.