Accident face au collège Giovoni : les associations de parents d'élèves exigent des mesures
L’Associu di i Parenti Corsi è a FCPE di u culleghju Arthur Giovoni aspettani risposti è misuri pà a sicurità di i ziteddi.
Ramintemu chì luni, dui ziteddi si sò fatti impittà da un scooter davanti à u culleghju aiaccinu. Sò stati purtati à u spidali cù uni pochi di fratturi, unu avendu ancu un trumatismu à u capu.
« Tanti ziteddi scularizati à u culleghju Arthur Giovoni, o ancu in i scoli primarii di i Salini, francani parichji volti à ghjornu a strada, à liveddu di u culleghju. Parichji cullighjanti avvinghjini i dui contravii, à ugni parti di a Rocade. È à tempu, ugni ghjornu, si vidini infrazzioni à u codici stradali è incivilità, cù vitturi o motò chì i so cunduttori ùn ani altru pinseri chè quiddu di viaghjà più prestu ».
I federazioni di i parenti cundannani iss’usi.
L’APC è a FCPE rigretani ch’idd’ùn ci sichini forzi di l’ordini in i circondi di a Rocade : « a so prisenza saria dissuasiva è a ci pudaria sfrancà di veda parta, com’è arimani, una fila di trè ambulanzi cù ziteddi ferti à bordu ».
L’associ dumandani una riunioni cù i rispunsevuli lla sicurità publica è i membri lla cumunità educativa lla cità sculara, cumposta da u culleghju Arthur Giovoni è i scoli di i circondi, da difinì i misuri à metta in anda.
Sur le même sujet
