Accident en mer dans le Valinco
(A redazzioni d'Alta Frequenza) - C'hè statu un accidenti in mari in Porti Poddu vers 2 ori, locu dittu "di i catedrali", induva hè mortu calchì ghjornu fà un adulescenti. Si tratta quì di un inticciu trà un zodiac è un ghjuvanottu chì nutava in apnea. Hè à u mumentu di ricullà à gallu chì u ghjuvanottu hè statu pichjatu da u battellu, inghjinnendu feriti gravi. Dui battelli di a SNSM di Prubià, una era guasgi sopralocu quandu c'hè statu l'accidenti, sò andati sopralocu. A vittima hè stata presa in carica prima annant'à u battellu eppo annant'à a tarra è purtata infini in elicotteru in Aiacciu. L'inchiesta hè stata cunfidata à a gendarmeria marittiima chì hè andata dinò ella sopralocu. Malgradu i so feriti, a vita di u ghjuvanottu ùn saria micca in periculu.
Sur le même sujet
