Accident de plongée à Porto-Vecchio
(A redazzioni d'Alta Frequenza) - Un turistu talianu di 54 anni, chì s'era ciuttatu in mari stamani (marcuri) in Purtivechju, à u nivellu di l'isuli Cerbicali, hè mortu dopu à una mancanza cardiaca surtendu da l'acqua, mentri ch'ellu era accumpagnatu da un munitori ed era falatu à 17 metri. Un battellu di a SNSM di Purtivechju è l'elicotteru Dragon 2A di a Securità Civili sò ghjunti à lestra sopralocu, mentri chì massaghji cardiachi erani dighjà praticati nant'à a vittima. Malgradu i so sforzi, i succorsi ùn sò riisciuti à ridà fiatu à l'omu.
