Accident de la route mortel à Vivario
(A redazzioni d'Alta Frequenza) - C'hè statu un accidenti murtali appena nanzi à 2 ori ssu marcuri nant'à a cumuna di Vivariu, vicinu à a gara. Una motò è una vittura si sò inticciati, pà raghjoni sempri scunnisciuti. Nant'à a motò, c'era una donna di una quarantina d'anni, chì malgradu un'intarvinzioni in furia di i succorsi di Venacu è di Corti eppo di u SAMU ùn hà pussutu essa salvata. A vittima facia parti, sicondu i primi elementi, di un gruppu di bikers. U so cumpagnu è a parsona chì cunducia a vittura, assai tocchi à u nivellu psicologicu, sò stati purtati à l'uspidali di Corti.
