Accident de la route en Haute-Corse
(A redazzioni d'Alta Frequenza) - C'hè statu un accidenti ssu sabbatu dopu meziornu annant'à a cumuna di u Poghju Mezana, locu dittu Figarettu in Corsica Suprana. Dui vitturi si sò inticciati par raghjoni chì ùn sò ancu cunnisciuti. A prima parsona, ferita lighjera, hè stata purtata à l'uspidali di Bastia in ambulanza, mentri chì a siconda, tocca di manera più greva, hè stata trasferita anch'ella in Falcunaghja ma cù l'elicotteru Dragon 2B di a sucità civili.
Sur le même sujet
