Accident de la route en Haute-Corse
(A redazzioni d'Alta Frequenza) - Ci hè statu un accidenti gravi ssa dumenica u dopu meziornu versu cinqui ori è mezu nant'à a strada naziunali 193, à u nivellu di Suveria (Corsica Suprana). Dui vitturi si sò inticciati, par raghjoni chì ùn sò ancu cunnisciuti. Dui parsoni, un omu di una cinquantina d'anni è u so fighjolu, un adulescenti, sò stati feriti cà pocu. Ss'ultimi sò stati traspurtati à l'uspidali di Corti. Inveci, a cundutrici di a siconda vittura, chì t'hà una trentina d'anni, duvia essa scarcerata, prima d'essa purtata à l'uspidali di Bastia Falcunaghja. A so saluta ùn saria micca cusì bona. Da nutà chì a circulazioni hè stata taghjata duranti l'intarvinzioni.
Sur le même sujet
