Accident de la route en Haute-Corse
(A redazzioni d'Alta Frequenza) - Accidenti nant'à a strada eri dopu meziornu (marti) in Corsica Suprana, nant'à a ligna diritta di l'Ostriconi, in u locu dittu Petra Muneta, nant'à a cumuna di Palasca. Un 4x4, cù nentru trè militari di u 3u Regimentu di l'Hussards di Metz ghjunti à rializà survighjenzi pà i fochi di furesta, è una vittura cù quì dinò trè parsoni, si sò inticciati senza sapè parchì par avà. I trè militari sò stati mandati fora di u so veiculu. Nant'à i sei vittimi, cinqui sò feriti lighjeri solu, mentri chì a ghjovana cunduttrici di a vittura, incarcerata, soffri frà altru di un trauma in faccia. Parechji mezi sò stati mandati nant'à ss'intarvinzioni, com'è par asempiu cinqui ambulanzi, dui medichi è l'elicotteru Dragon 2B di a Securità Civili.
Sur le même sujet
