Accident de la route en Haute-Corse
(A redazzioni d'Alta Frequenza) - Più paura cà altru affari stamani (vennari) ind'un accidenti di a circulazioni nant'à a strada naziunali 200, cumuna d'Aleria. Quattru zitelli drentu à un car di trasportu sculari, com'è dui altri circulendu inde unu di i trè veiculi cuncirnati, sò stati feriti cà pocu pocu o ani avutu assai a paura. Iss'ultimi sò stati asaminati da un duttori sopralocu. Dui parsoni maiò sò stati appena feriti inde iss'inticciu. Una di quissi quì, un omu di una cinquantina d'anni, hè statu traspurtatu à l'uspidali di Bastia Falcunaghja.
