Accident de la route en Haute-Corse
(A redazzioni d'Alta Frequenza) - Accidenti di a circulazioni in fin di dopu meziornu (dumenica) in Corsica Suprana. Versu 6 ori di sera, nant'à a cumuna di Castifau, à u ponti Rossu, dui vittiri si sariani inticciati. Dui parsoni sò stati feriti, una di modu gravi. À a so ghjunta sopralocu, i servizii di succorsi ani presi in carica à lestra i dui vittimi. Iss'ultimi sò stati traspurtati via l'elicotteru Dragon 2B di a Securità Civili, ver di l'uspidali di Bastia. Ùn si sà ancu i causi è i circustanzi esatti di iss'accidenti.
Sur le même sujet
