Le Direct

Accident de la route en Corse-du-Sud: décès d'un cycliste

(A redazzioni d'Alta Frequenza) - C'hè statu un accidenti arimani (marti) in Corsica Suttana. Un ciclistu di 75 anni hè mortu annant'à a strada naziunali 196 trà Prubià è Ulmetu, à u nivellu di l'imbrancamentu di Baracci par essa più pricisu. L'omu chì viaghjava cù un gruppu d'amichi hè cascatu dopu avè toccu u retruvisori di una prima vittura chì pruvava à trapassà lu. Hè dunqua cascatu, ed hè à ssu mumentu quì chì un'antra vittura l'hà pichjatu. A vittima hè morta appena dopu à u so accidenti è què malgradu l'intarvinzioni propiu in furia di i succorsi. Un'inchiesta hè in corsu pà pruvà à sapè ni di più annant'à i circustanzi esatti di ss'accidenti.