Accident de kayak en Corse-du-Sud
(A redazzioni d'Alta Frequenza) - C'hè statu un accidenti di kayak stamani (vennari) vicinu à Tizzà in Corsica Suttana. Un gruppu di una dodecina di kayakisti chì era accumpagnatu da un munitori hè statu in difficultà par via di u gattivu tempu. Dui imbarcazioni si sò vultati in mari; i parsoni chì erani annant'à un ci la faciani micca à ricullà à gallu. Chjamatu da a capitanaria di Tizzà, induv'ellu hè andatu u restu di u gruppu, u CROSS hà mandatu sopralocu l'elicotteru Dragon 20 di a securità civili è i pumpieri ciuttadori d'Aiacciu. S'è una volta ch'elli sò ghjunti i succorsi, un kayakistu hè riisciutu à vultà annant'à a costa da par ellu, u sicondu era sempri in difficultà; ss'ultimu saria in statu d'iputermia. Ssi dui parsoni, è u munitori, sò stati purtati in elicotteru fin'è a tarra.
Sur le même sujet
