Accident de baignade mortel à Cargèse
(A redazzioni d'Alta Frequenza) - Un omu di una sissantina d'anni hè mortu dopu un accidenti di notu ssu luni dopu meziornu versu 4 ori in Carghjese, versu u golfu di Peru. L'omu hè statu signalatu da tistimonii à una vintina di metri da a sponda. Incuscenti, a vittima hè stata purtata nant'à a rena da un salvadori. Malgradu l'alerta data in furia à i succorsi è à u CROSS Med, ssu turistu francesi di 60 anni ùn hà pussutu essa salvatu. Da un'antra banda, l'autorità chjamani à a prudenza a più maiò in mari, di pettu à u tempu, soprattuttu à i marosuli alti.
Sur le même sujet
