Accident d'ULM en Corse-du-Sud
(A redazzioni d'Alta Frequenza) - C'hè statu un accidenti d'ULM ssu marti dopu merzionu annant'à a piaghja d'Arana, trà Senetosa è Campumoru ind'u golfu di u Valincu (Corsica Suttana). Un omu di una quarantina d'anni hè statu ubligatu à atterrà in catastrofa annant'à ssa piaghja, par raghjoni chì ùn sò ancu cunnisciuti. Suffrendu di parechji traumatisimi è fratturi, a vittima hè stata presa in carica da una squadra di u SAMU è da i ciuttadori di i spignifochi prima d'essa purtata cù l'elicotteru di a Securità Civili à l'uspidali d'Aiacciu in un prima tempu. L'omu hè statu trasferitu dopu in fin di ghjurnata in Marseghja par via di u so statu di saluta assai gattivu.
Sur le même sujet
