Accident d'Ajaccio : Décès d'une deuxième jeune fille et précisions du procureur
U prucuratori lla ripublica d’Aiacciu hà datu cunfirma sta sera ch’una siconda ghjuvanetta si n’hè morta, in l’accidenti di marcuri dopu meziornu in Aiacciu.
Nicolas Septe hà datu calchì pricisioni à nantu à i circustanzi d’issu drama :
« dopu essa si svultata parichji volti, a vittura hè finita à nantu à u tettu, à nantu à i ringheri di sicurità cintrali. Dui ghjuvanetti, passaghjeri d’issa vittura, sò stati sfrumbulati fora. Una di quissi hè stata dichjarata morta supr’à locu, è quidd’altra si n’hè morta in a notti, à u spidali ».
Cuntinuvighja u prucuratori dindu chì « a cunduttrici, suttrinnata bè da l’accidenti, hè stata purtata à u spidali cù un traumatismu lla chjeccula. A cunduttrici è un altru passaghjeri sò sempri uspitalizati ».
Nicolas Septe hà pricisatu ch’idda era aparta una inchiesta à mutivu di micidiu è ferti invuluntarii. Hè a sicurità dipartimintali llu cumissariatu d’Aiacciu chì n’hè incaricata.
I ghjuvanotti presi in iss’accidenti erani ghjunti à passà calchì ghjornu di vacanzi in a risidenza sicundaria llu missiavu di a cunduttrici.
Sur le même sujet
