À quoi joue le gouvernement avec les enfants malades en Corse ? s'interroge l'association Inseme
photo asociation inseme
Hè dillusu bè, l’associu Inseme, dopu à a riunioni di marti in prifittura.
« Dipoi u 2019, vidimu à Cristu è à i Santi, da ch’iddu tenga u guvernu u so ingagiamentu à guaranzì a prisenza di i dui parenti, à torru à un ziteddu malatu custrettu à mova in cuntinenti », dici l’Associu, chì hà uttinutu un appuntamentu cù u cabinettu di jacqueline gourault, pà a so ghjunta in Corsica.
« Dopu chì no’ achimi dumandatu quandu saria publicatu u dicretu, semu stati beddi surpresi di senta chì nè u guvernu, nè u prisidenti lla ripublica ùn s’erani ingagiati à publicà un dicretu da assicurà a presa in carica llu sicondu parenti .
Issu cambiamentu subitaniu è pocu capiscitoghju veni à sbuciardà a prumessa fatta da i dirighjenti suprani à i famiddi, à l’Associu, è à l’eletti, dui anni fà », dici Inseme.
« Oghji, i nosci ziteddi ùn ani i stessi dritti chè l’altri di pettu à a malatia. Issa inghjustizia, ùn la pudemu suppurtà. Ùn rinunciaremu à issa lutta, chì ghjusta hè ».
L’associu dici ch’iddu farà una cunfarenza di stampa u 5 di maghju, dopu à a so riunioni cù l’ARS
« S’idd’ùn si ni vidi cambiamentu, dopu à issa riunioni, avviaremu azzioni publichi forti », dici Inseme, chì ni chjama à a mubilisazioni.
« Dumandemu, in urgenza, appuntamentu à i gruppi pulitichi di l’assemblea corsa, à i prisidenti di l’esecutivu è di l’assemblea, à i parlamintarii corsi è à i candidati à i tarrituriali, da uttena u so sustegnu ».
Sur le même sujet
