Le Direct

A Madunuccia d'Aiacciu : Début des célebrations ce dimanche

(A ridazzioni d'Alta Frequenza) - Principiani duminica i festi lla Madunnuccia, a santa patrona lla cità d’Aiacciu. À 9 ori di sera, s’attaccani i cirimonii in u Domu d’Aiacciu, è parti a prucissioni versu a piazza di l’Olmu. À 9 ori è mezu, si pudarà senta, in mirria, a musica municipali. Luni, à 10 ori di mani, à u Domu, ci sarà a missa puntificali fatta da Munsignori Patrick le Gal è Munsignori Olivier de Germay, u vescu d’Aiacciu pà a Corsica. A missa cuminciarà cù l’auguri di i Magnifichi Anziani, ditti da u merri è i so cunsiglieri. À 5 ori di sera, cuminciarà a prucissioni sullenna in i carrughji d’Aiacciu. Quist’annu, a statula hè stata rinuvata in tuttu da i squadri llu Centru di Cunsirvazioni llu Patrimoniu di Calvi. Si ni parlarà in l’edizioni à vena cù Preti Micaletti, di u Domu d’Aiacciu