A Festa di a Cultedda dumani è sabatu in Cutuli è Curtichjatu
(A ridazzioni d'Alta Frequenza) - Vennari è sabbatu, in Cutuli è Curtichjatu, ci sarà l'uttesima edizioni lla festa lla cultedda. Ci si pudarani veda, quist'annu dinò, parichji artisgiani isulani, chì farani veda u so sapè fà, cù mostri è scambii cù u publicu. Sarà dinò un'uccasioni da valurizà issa filiera dinamica di l'artisgianatu corsu, chì, parvia di u so successu, si devi pittughjà à a contrafattura. L'evenimentu hè urganizatu da a Camara Righjunali lli Mistiera è di l'Artisgianatu di Corsica, in associu cù l'ADEC, u sindicatu di i cultiddaghji corsi è a cumuna di Cutuli è Curtichjatu.
A filiera è l'evenimentu i ci prisenta Jean-Dominique Susini, prisidenti llu sindicatu lli cultiddaghji corsi
Sur le même sujet
