A Chjama Patriotta, nouvelle initiative du collectif Patriotti et de militants indépendantistes
Duminica in Corti, circa 400 parsoni si sò ritrovi, rispundindu à a chjama di u Cullittivu Patriotti, par dibatta di a situazioni attuali in Corsica è di u prucessu avviatu cù u statu francesu.
À iss’accolta erani prisenti militanti senza appartinenza difinita, una bedda diligazioni di Corsica Libara, i principali rispunsevuli di l’esecutivu di u STC, o ancu certi attori lla sucità civili com’è Joseph Colombani, u prisidenti lla Camara d’Agricultura llu Cismonti.
Hè stata cunfirmata a vulintà di rumpa cù u prucessu avviatu è cù l’autunumia pruposta da emmanuel macron. Una rumpitura netta dinò cù a maiurità tarrituriali, bedda criticata.
Po’ hè statu purtatu u sustegnu à quiddi chì ani sceltu di fà riparta a lutta armata.
Dopu à dui ori, Patriotti hà fattu una sintesi da strutturà issa dimarchja di risistenza, battizata « Chjama Patriottica », chì ricusa l’idea di u distinu francesu di u populu corsu, è chì hà privistu di ripiddà i mubilisazioni in li sittimani à vena, da cunvincia u populu corsu.
À u principiu di l’annu à vena, a Chjama Patriottica hà da fà a so prima assemblea ginirali, quidda d’una dimarchja pulitica indipindintista assunta è bè.
Steti à senta à Ghjuvan’Filippu Antolini
Solu partitu naziunalistu ufficialmenti prisenti – è ancu beddu prisenti – cacciati l’iniziativi parsunali di certi altri militanti, Corsica Libara voli participà di manera attiva à iss’iniziativa.
Par avali, ùn si sà s’iddu si hà da sdrughja u partitu in issa struttura quand’idda nasci.
Par Josepha Giacometti, ùn si tratta solu di firmà si à unu nomu.
Steti la à senta.
Sur le même sujet
