80 personnalités corses appellent la France à s’inspirer de l'histoire de la Corse pour combattre l'antisémitisme
A diciami arimani, atti antisemiti ci n’hè sempri di più in francia : dipoi u setti d’uttrovi è l’attaccu di u Hamas in Israela, si n’hè cuntatu più di middi.
Uttanta parsunalità corsi dumandani à a francia di dà un’uchjata à a storia lla Corsica, par luttà contru à l’antisemitismu.
« In a so storia, a Corsica sempri hà difesu i ghjudei. Di pettu à i tanti risurgenzi di l’antisemitismu chì ani toccu a francia, a Corsica hè sempri stata arritta fendu fronti à i so rispunsabilità, è fida à i so valori », spieca a cumunicazioni.
I firmatarii d’issu scrittu ani mintuvatu i dati è fatti storichi chì dani cunfirma d’issi parolli, da Pasquali Paoli chì dicia chì « i ghjudei t’ani i stessi dritti chè i corsi postu ch’iddi ni spartini a sorti », sinu à l’evenimenti di a Prima, è ben’intesa di a Siconda Guerra Mundiali.
« Oghji ch’iddu volta l’odiu di i ghjudei, no’ altri corsi ùn pudemu stà muti. Fidi à a noscia storia cumuna, vulemu fà onori à a mimoria di i nosci avi corsi chì sempri ani prutettu i ghjudei, di pettu à quiddi chì n’erani l’upprissori », dicini l’uttanta parsoni chì ani zifratu issu scrittu, trà i quali si pò truvà à Jean-Félix Acquaviva, Jean-Christophe Angelini, Valérie Bozzi, Paul-André Colombani, Marc Ferracci, Laurent Marcangeli, Marie-Antoinette Maupertuis, Jean-Martin Mondoloni, Jean-Charles Orsucci, Jean-Jacques Panunzi è tanti altri.
Sur le même sujet
