50e anniversaire du crash de la caravelle Ajaccio-Nice : Laurent Marcangeli pense aux familles
(A ridazzioni d'Alta Frequenza) -A Corsica si n’inveni issu marti llu drama lla Caravella Aiacciu-Nizza, ch’avia fattu 95 morti in u 1968. Pà issu tristu cinquantesimu arricordiu, Christian Estrosi hè in Corsica, par stà à senta una missa fatta da u vescu, Munsignori de Germay, à u domu d’Aiacciu, innanzi d’andà à u cimiteriu marinu, à renda umaghju à i vittimi. In quantu à i famiddi d’issi vittimi, ghjustamenti, ni sò sempri à aspittà ch’idda sichi cacciata a misura di « sicretu è difesa ». Pà u merri di Nizza, u statu si faria unori à lacà affaccà a virità, ciò chì pirmittaria d’appacià un pocu u dulori sempri vivu lli famiddi. U duveri di mimoria hè u stessu pà Laurent Marcangeli, u merri d’Aiacciu. À senta ad iddu, tutti i forzi devini essa accolti à prò di i famiddi.
Stemu à senta à Laurent Marcangeli
Sur le même sujet
