4ème Rallye di u Paese Aiaccinu : victoire de Santoni et Nesta et grand succès populaire !
(A redazzioni d'Alta Frequenza) - S'hè compiu ssa dumenica dopu meziornu u 4imu Rallye Naziunali di u Paesi Aiaccinu. Trè ghjorni intensi di corsa pà i 162 participanti, ch'ella sighi duranti i spiciali in Aiacciu o nant'à u tarritoriu di a CAPA. Infini, hè u duettu Paul Antoine Santoni è Audrey Nesta in Ford Fiesta chì hà vintu pà ss'edizioni in u generali. I squadri Andreucci-Pobedenny (Ford Fiesta) è Leandri-Gorguilo (Peugeot 208) cumplettani u podium. U VHRS hè statu vintu da Fabrice Lamour è Antoine Maestrati (Renault Alpine A310), mentri chì u VHC hè statu pà Jean Philippe Martini è Ambroise Fieschi (Opel Kadett C Gte). Una bella riescita pà unu di l'urganizatori di a manifistazioni, Pierre Boï, cù parechji millai di parsoni aduniti duranti ssa dumenicata chì hà fattu nascia soca certi vucazioni.
Steti à senta à Pierre Boï, u presidenti di l'ASA Corsica.
