43 hectares ravagés par les flammes à Ajaccio
(A redazzioni d'Alta Frequenza) - Grossu focu eri dopu meziornu (vennari) in Aiacciu, ind'u settori di a Cunfina II. Mezi umani è aerei impurtanti sò stati mubilizati, vistu chì a zona hè urbanizata, è ch'ellu ci vulia à pruteghja i casi. Più di 80 omi, appughjati da quattru Canadari è un elicotteru di ricunniscenza ani agitu nant'à i lochi. U focu chì hè dunqua partitu da Mezavia s'hè spargugliatu nant'à i cullini di u Vaziu. Un ventu viulenti hà attizzatu i fiammi duranti u dopu meziornu, da calcinà in tuttu 43 ettari. Stamani, i spinghjifochi trattani l'ultimi brasgi di issu sinistru, da chjoda di modu difinitivu l'affari. Da nutà chì nisun evacuazioni di i casi minacciata hè stata rializata.
Sur le même sujet
