Victoire écrasante des nationalistes aux territoriales : l'analyse du politologue Thierry Dominici
(A redazzioni d'Alta Frequenza) - Una vittoria tutali ! Cù guasgi 57%, a lista Pè a Corsica hà ciaccatu tuttu. Un risultatu torna di più largu di pettu à u prima ghjiru è una cunfirmazioni di i dui anni di mandatura rializati da i naziunalisti à l'Assemblea di Corsica. In a futura cullittività unica, i naziunalisti t'avarani una raprisintatività mai vista, cù una maghjurità assuluta, è a maestria di cumpitenzi novi, com'è a saluta è u suciali. Una pusizioni di forza chì duvaria cambià dinò i raporti cù Parighji chì ùn pò più nigà oghji ssa dimustrazioni demucratica. Pà u politologu Thierry Dominici, ssa situazioni nova duvaria purtà u guvernu à essa di più apartu nant'à u cartulari corsu. Da un'antra banda, ùn scarta micca un certu periculu di pettu à a duminanza di un partitu, chì pò avè cunsiquenzi nant'à a cumpetitività di u sistema demucraticu inde a futura Cullittività di Corsica.
Steti à senta à Thierry Dominici.
