Transports maritimes pour la Corse : le mode de gestion de l'Exécutif se précise
(A redazzioni d'Alta Frequenza) - U presidenti di l'Uffiziu di i trasporti di a Corsica è i membri di a Cummissioni spiciali di l'eletti in carica di studià i pussibilità di fà una cumpagnia marittima regiunali si sò aduniti in principiu di simana in u Grand Hôtel. Una riunioni di u cumitatu cunsultativu liatu à ssu cartulari hè stata urganizata dinò. L'uccasioni di vultà nant'à u viaghju di pocu fà in Scozia cunsacratu à u cartulari marittimu, ma dinò è soprattuttu di prisintà u modu di gistioni futuru chì l'Esecutivu t'hà in menti pà u trasportu marittimu trà a Corsica è u cuntinenti, è què calchì ghjornu nanzi à una seenza sarrata à u publicu di l'Assemblea di Corsica didicata, sarà u 13 di lugliu. Ssa manera di gistiscia ritinuta da a maghjurità tarrituriali hè quilla di a criazioni di dui Semop, Sucità d'Ecunumia Mista cù Uparazioni Priuritaria : una pà i porti principali è un'antra pà i porti sicundarii.
Steti à senta à Ghjuvan Filici Acquaviva, u presidenti di l'OTC.
