Territoriales : Avvene Corsu lance sa campagne
(A redazzioni d'Alta Frequenza) - Hè partuta a fusea Avvene Corsu. In fatti, a lista purtata da Christophe Canioni, Irina Luciani è Pierre Dominique Bologni, chì t'avarà membri di Leia Naziunale è anziani di u Front National, hà prisintatu u so prughjettu. Un prughjettu chì incalca nant'à una pulitica à indurcì à u nivellu di l'immigrazioni, ma dinò nant'à altri tematichi, piuttostu culturali o ecunomichi, com'è un prughjettu d'Usservatoriu astronomicu nant'à a cumuna di Pioggiula inde u Ghjunsani pà sviluppà u rurali. Christophe Canioni chì, s'ellu t'hà un sguardu criticu nant'à u bilanciu di a maghjurità naziunalista, ùn hè micca malgradu tuttu inde l'uppusizioni a più tutali, postu ch'ellu dici ch'ellu hè apartu à un'autunumia pà a Corsica è micca tutt'à fattu à l'uppostu di a dimarchja Pè a Corsica. U capimachja d'Avvene Corsu hà fattu i so critichi i più feroci contr'à u Front National, ch'ellu hà lacatu annu, dinunziendu una svianza ver di un prugrammu vicinu à quillu di a CFR inde l'anni 80.
Steti à senta à Christophe Canioni.
